Arquivo do blog

A Segunda Guerra Mundial na Biblioteca Ágora

A Segunda Guerra Mundial foi o maior conflito bélico da historia. Con mais de sesenta millóns de mortos, estivo marcada por feitos de enorme transcendencia, que incluíron o Holocausto (Shoah en hebreo) e a utilización por primeira vez na historia de armas nucleares.

Esta inmensa traxedia deixou unha fonda pegada no mundo da cultura. A bibliografía sobre o tema é inabarcable e non deixa de medrar: libros de historia, películas, obras literarias… saen constantemente ó mercado para tratar de entender este episodio tan terrible da historia da humanidade.

cartel-2gm-pequeno

Na Biblioteca Ágora, dende febreiro ata maio, no espazo Os mellores de … poderedes atopar unha selección de mais de 130  documentos dispoñibles nas nosas bibliotecas  que dende diferentes puntos de vista abordan o conflito

Estudos históricos: transcorridos máis de 70 anos dende o fin da guerra, esta continúa a ser obxecto da mirada dos historiadores, que abordan o tema dende novos puntos de vista, do cotiá, do día a día, ou ofrecen novas interpretacións de conxunto baseadas nas fontes documentais, agora accesibles, dos países do leste.

Testemuños das vítimas, que moitas veces en forma de diario deixaron por escrito os terribles acontecementos que truncaron as súas vidas, trasladándonos os seu medos, penurias, e tamén as súas ilusións e esperanzas. Todos eles son unha fonte imprescindible para coñecer o tema e achegarse a el dende o punto de vista das vítimas.

Narrativa: A transcendencia do conflito converteuno nun tema literario de primeira orde, ó que recorrerán unha e outra vez escritores de todo o mundo. Relatos sobre o derrubamento da orde social europea e o ascenso dun novo poder que acabará levando a Europa e a todo o mundo ó maior dos conflitos da historia. Historias sobre o holocausto, inquietantes, aterradores, que nos achegan ás zonas mais escuras da alma humana. Sempre flotando no aire a pregunta sen resposta de Como foi posible que sucedese todo isto? Nestes últimos anos, o nazismo e a Alemaña nazi convértense tamén no marco de novelas de intriga e aventura que, sen afondar nas razóns do conflito, veñen a confirmar o profunda pegada que estas páxinas da nosa historia deixaron na cultura occidental.

Documentais:  As melloras técnicas no mundo do cine, o interese dos exércitos con fins propagandísticos ou doutras persoas por deixar testemuña do horror, permitiron dispor de multitude de imaxes orixinais da que foi a primeira  guerra documentada en imaxes. O documental ofrécenos unha crónica dos acontecementos, pero tamén aporta unha análise que nos permite comprender eses feitos mellor e, especialmente, vivilos dun xeito máis real, case a través dos ollos dos protagonistas, nun formato entretido e fácil de seguir.

Cine: Poucos eventos históricos teñen sido tratados con tanta frecuencia e con tanta calidade polo cinema. Dende as primeiras películas, realizadas en plena guerra, cunha forte carga propagandística, ata o presente, foron moitos os grandes directores que dende os máis variados puntos de vista nos deixáron a súa visión do conflito. Películas sobre o Holocausto, as grandes batallas, submarinos, a vida na retagarda, espías, as orixes… Nesta mostra e guía, tés unha escolma do que podes atopar nunha biblioteca

Cómic: Un fito importante na historia do cómic foi a publicación de Maus. Por primeira vez se aborda nun medio popular o tema mais solemne que deixou o século XX: a Segunda Guerra Mundial.  Algo estaba cambiando na consideración desta forma de escritura, e moitos outros autores están aí para aproveitalo. Nós ofrecémosche algúns exemplos

E por úlitimo, conscientes da enorme atracción que este capítulo tan gris da historia exerce sobre a público xuvenil, seleccionamos tamén algúns títulos especialmente recomendados para estes lectores. Algúns deles, protagonizados por rapaces ou rapazas ós que lle tocou  vivir este tráxico momento, e que se converteron có paso do tempo en auténticos clásicos do xénero.

Na guía de lectura que aquí te presentamos, podes atopar unha selección dalgúns dos títulos mais significativos desta mostra 

Guía de Lectura da Segunda Guerra Mundial

portada-guia

Aquí podes desargar a Guía en pdf

E se queres saber mais  sobre a guerra e a Shoah, podes consultar as seguintes páxinas webs que ofrecen unha información detallada e contrastada:

Memorial de la Shoah = Muséee, Centre de Documentation Juive Contemporaine

United States Holocaust Memorial Museum = Museo Nacional de la Memoria del Holocausto de Estados Unidos.

Yad Vashem: Centro Mundial de Conmemoriación de la Shoa: Museo do Holocausto en Israel.

USC Shoah foundation (University of Southern California Shoah Foundation)

Museo de Ana Frank = Museo de Ana Frank (Amsterdam).

 

Xa sabes!! Achégate a Biblioteca Ágora, de febreiro a maio, para levar en préstamo os libros da Mostra sobre a Segunda Guerra Mundial. E non deixes de consultar a nosa Guía de Lectura na que están representados os títulos mais representativos desta mostra.

Nos hacemos un cine?

Este mes de Noviembre  la Biblioteca Infantil y Juvenil lo ha dedicado a las culturas orientales, por lo que además de poder encontrar una selección de documentos, (novelas, mangas, cómics, música y libros de información) relacionados con oriente, hemos preparado varias actividades, charlas y talleres que nos han acercado un poquito más a esa cultura milenaria.

Dentro de la batería de actividades que os hemos propuesto, a la que hemos denominado Noviembre Oriental,  el próximo jueves 19 de Noviembre, a las 18:00 h. os invitamos  a  ver la película Colorful,

Colorful   es una película de animación de 127 minutos dirigida en 2010 por Keiichi Hara basada en un libro del mismo título ideado por la escritora Eto Mori. La historia comienza cuando un alma llega al purgatorio. Allí se le dará la oportunidad de reencarnarse en un adolescente de 14 años que se había suicidado. Así empiezan las aventuras y desventuras para el protagonista que tendrá que descubrir los motivos por los cuales el dueño del cuerpo que él está utilizando ha decidido poner punto y final, para  así él poder también tener una segunda oportunidad.

Esta película ha recibido varios premios:

2010: Festival de Sitges: Nominada a Mejor largometraje de animación
2011: Festival de Annecy: Distinción especial y Premio del público.

La Biblioteca Infantil y Juvenil os invita a pasar una tarde divertida, con una película de animación dirigida a todos los públicos, como dato de interés deciros que Keiichi Hara ha dirigido también la película de Doraemon y Sinchan. Os esperamos!

Guía de lectura: Os mellores do humor

Moitas veces minusvalorado pola crítica especializada, o xénero humorístico estivo sempre presente na literatura: dende a Antigüidade (Aristófanes, Petronio…) ata a actualidade (Thom Sarpe, Darío Fo, Cunqueiro…) grandes autores de todos os tempos fixeron do humor un un compoñente básico das súas obras (Cervantes, Quevedo…)

Humor absurdo, satírico, negro… o humor axúdanos a entendernos a nós mesmos, a comprender mellor o mundo, e a intentar cambialo. Algo moi poderoso ten o humor que poucas veces gusta aos que mandan!!

18270258754_b039e4f9a6_m

18705106428_9b57c86024_m

 

 

 

 

 

Por iso, se o que queres é pasar un bo rato, só tes que pasarte pola Biblioteca Ágora para atopar os Mellores do humor e levar os libros a un deses marabillosos sitios os que irás este verán. E, si non podes esperar a vir a biblioteca podes ir abrindo boca coa nosa guía de lectura

Guía de lectura 

 

 

E, recorda!! O humor  prevén os infartos, rexuvenece a pel, reduce o insomnio, alivia a depresión, suaviza o estrés, combate medos e fobias, potencia a creatividade, facilita a comunicación, reforza a autoestima…

Para ver outras Guias de lectura de Os Mellores, pincha aquí

Actividades Astronómicas na Biblioteca Forum

Baixo o título “#ÉoCosmos!”, a Biblioteca Municipal Forum Metropolitano organiza para os meses de maio, xuño e xullo unha selección dos mellores materiais relacionados coa Astronomía, incluíndo as mellores novelas e películas de ciencia ficción.

Actividades Astronómicas na Biblioteca Forum

Astronomía:

El universo eleganteBrevisima historia del tiempoNicolas copernicoEl Universo Para Curiosos

 

Astronomía é a ciencia que se ocupa do estudo dos corpos celestes do universo, incluídos os planetas e os seus satélites, os cometas e meteoros, as estrelas, etc. O seu rexistro e a investigación da súa orixe vén a partir da información que chega deles a través da radiación electromagnética ou de calquera outro medio. A astronomía estivo ligada ao ser humano desde a antigüidade e todas as civilizacións tiveron contacto con esta ciencia. Personaxes como Aristóteles, Ptolomeo, Hipatia de Alexandría, Nicolás Copérnico, Galileo Galilei, foron algúns dos seus cultivadores. É unha das poucas ciencias nas que os afeccionados aínda poden desempeñar un papel activo, especialmente no descubrimento e seguimento de fenómenos como curvas de luz de estrelas variables, descubrimento de asteroides e cometas, etc. Temos os mellores manuais de Astronomía a disposición dos usuarios e ademáis podes coñecer a vida e obra de grandes astrónomos.

Novela de ciencia ficción:

De la tierra a la luna

Dune: La cruzada de las máquinas

O xogo de Ender

Crónicas marcianas

 

 

 

 

 

 

  No seu século e medio de existencia, a literatura de ciencia ficción pasou por períodos caracterizados por moi diversos estilos. Desde as fabulosas fantasías tecnolóxicas de VerneWells até os máis recentes cyberpunk e steampunk, por citar un par de exemplos, diversas correntes e etapas marcaron a historia do xénero. Nesta mostra bibliográfica ofrecemos unha selección de obras destacadas dentro da novela de ciencia ficción pero só relacionadas coa Astronomía. Obras como “Crónicas marcianas” (1950) de Ray Bradbury ou “Blade Runner: ¿Sueñan los androides con ovejas eléctricas?” (1968) de Philip K. Dick son dous exemplos que nos poderemos atopar na mostra.

Cinema e Astronomía:

2001: a space odyssey

Star Wars Alien Blade Runner

 

 

 

 

 

 

No cinema houbo e hai grandes valedores do xénero da ciencia ficción. Ben mediante a adaptación de contos e novelas, ben mediante a produción de películas con guións especialmente creados para a gran e a pequena pantalla. O cinema de ciencia ficción utilizouse en ocasións para comentarios críticos de aspectos políticos ou sociais, e a exploración de cuestións filosóficas como a definición de ser humano. O xénero existiu desde os comezos do cinema mudo, cando o Lle Voyage dans a Lune (1902) de Georges Méliès asombrou á súa audiencia cos seus efectos fotográficos. Desde a década de 1930 até a de 1950, o xénero consistía principalmente en películas de serie B de baixo orzamento. Tras o fito de Stanley Kubrick de 2001: A Space Odyssey de 1968, o cinema de ciencia ficción foi tomado máis en serio. A finais da década de 1970, películas de orzamento alto con efectos especiais convertéronse en populares entre a audiencia. Películas como Star Wars (1977) ou Close Encounters of the Third Kind (1977) achandaron o camiño de éxitos de vendas nas seguintes décadas como Alien (1979), E.T.: The Extra-Terrestrial (1982), Blade Runner (1982) e Men in Black (1997).

Actividades Astronómicas na Biblioteca Forum

Ademais, dende a Biblioteca, e coa colaboración da Agrupación Astronómica Coruñesa Íopropoñémosche unha serie de actividades complementarias para achegar a Astronomía aos cidadáns:

Observación astronómica / 22 de Maio ás 22:30 h.

Inscrición previa desde o 15 de Maio
No Parque Europa, coa Agrupación Ío como mestra de ceremonias, observaremos as estrelas, os planetas e a lúa -sempre que o tempo acompañe-. Apto para tódolos públicos.

As estrelas máis preto do que imaxinas / 1 de Xuño
Charla con Óscar Blanco (Agrupación Ío) na que veremos a relación existente entre o ceo e o noso día a día. Sabes que hábitos e tradicións teñen que ver coa astronomía?. Descúbreos!!

O ceo é para todos / 4 de Xuño ás 18:30 h.
Inscrición previa desde o 28 de Maio.
Obradoiro experimental orientado a nenos e nenas de 5 a 7 anos. Música, danza, expresión artística e teatral para os que miramos estrelas querendo soñar.

Cinema e Astronomía / 11 Xuño ás 19:00 h.
Da man do crítico de cine Martin Pawley veremos que a astronomía e o cine comparten algo máis que estrelas. Unha viaxe retrospectiva que vai desde “Le voyage dans Lune” ata Interstellar.

Quero ser Astronauta / 18 Xuño ás 18:30 h.
Inscrición previa desde o 11 de Xuño.

Saberías utilizar un brazo robótico e/ou pilotar unha nave espacial?. Se tes entre 9 e 13 anos, e queres coñecer de primeira man as probas para convertirte nun astronauta, non o dubides, apúntate. Actividade realizada a través de Ler Conta Moito.

Consulta o cartel e o material no Wiki da Mostra. As actividades que necesitan inscrición previa, será na web das Bibliotecas Municipais da Coruña. Máis información na propia web, no teléfono 981 184 298 ou no mostrador da Biblioteca.

A Biblioteca Forum presenta: Ponte en escena

Coincidindo co Día Mundial do Teatro o 27 de marzo na Biblioteca Forum Metropolitano organizamos unha mostra bibliográfica adicada a esta arte e ao mundo da escena en xeral. A mostra estará dispoñible do 1 de febreiro ao 31 de abril na sala de adultos e na infantil da Biblioteca Forum Metropolitano.

Cartaz Ponte en escena

Quixemos ir máis aló e a selección bibliográfica abarca dende libros informativos ata novelas e material sonoro e audiovisual. Entre o material seleccionado atoparás os diferentes xéneros do teatro: a obra musical, a comedia, a farsa, a pantomima, a comedia romántica, a traxedia, a fantasía, a ópera, o teatro do absurdo, e moitas outras formas, tanto tradicionais coma experimentais. Así como obras narrativas que posteriormente foron levadas ás táboas sendo todo un éxito.

O teatro é a rama da arte escénica relacionada coa actuación que representa historias fronte a unha audiencia usando unha combinación de discurso, xestos, escenografía, música, son e espectáculo. É tamén o xénero literario que comprende as obras concebidas para un escenario ante un público.

Queremos darlle protagonismo porque o teatro forma parte da cultura e polo tanto non pode permanecer distante dos movementos estéticos, artísticos, poéticos e culturais dos países por onde a súa influencia e memoria camiñan.

Dende as Bibliotecas Municipais da Coruña propoñémosvos así achegarvos ao xénero do teatro e da escena. Podedes coñecer os fondos que integran a mostra no seguinte wiki “Ponte en escena”,  na Guía de lectura da mostra. E acceder á galería fotográfica do flickr.

Ademáis da mostra poderás desfrutar das seguintes actividades:

Papiroflexias: Montaxe de teatro musical infantil

Cando: 25 de febreiro ás 18:30Cartaz Papiroflexias con data-page-001

Sala Infantil Biblioteca Forum Metropolitano

25 prazas para nenos e nenas de 6 a 12 anos. Inscrición previa mediante formulario na páxina web das Bibliotecas Municipais a partir do 11 de febreiro ás 10 h.

Da man de Nelson Quinteiro  e inspirado no libro “O Principiño” de Antonie Saint-Exùpery chega “Papiroflexias”, unha montaxe de teatro musical infantil e con música ao vivo no que a conciencia ecolóxica, o teatro de obxectos, a danza con pinceladas de baile tradicional galego e a papiroflexia mestúranse. As bolas, paxariñas, canóns de confetti, avións de papel ou comecocos xigantes dan ritmo e narración a un relato de transfondo ecolóxico.

A morte é a túa voz ausente: peza teatral inspirada nas últimas horas do autor italiano Cesare Pavese. É unha obra da Cartaz actividade Diana Varelaescritora e avogada Diana Varela na que o actor Juan Vázquez interpreta ao escritor Cesare Pavese.

Cando: 11 de marzo ás 20 h. na sala de adultos da Biblioteca Forum. Entrada libre ata completar aforo.

Cesare Pavese, antes de morrer, deixou unha nota de despedida. “Perdoo a todos e a todos pido perdón. De acordo? Non murmuredes moito”. Estas últimas horas da vida da vida do escritor serven como inspiración a Diana Puñal para escribir a peza teatral A morte é a túa voz ausente. Vítima de represións polo seu posicionamiento antifascista, suicidouse o 27 de agosto de 1950 nun hotel de Turín, despois de facer varias chamadas de teléfono…sen que ninguén collera ao outro lado.

 

 

Habitante: performance de interacción escénica a cargo do artista Nelson Quinteiro

Cando: 18 de marzo na sala de adultos da Biblioteca Forum. 12 h. instalación, 17 h. interacción, 19 h. representación final. A entrada será libre ata completar aforo.

Carteliño HabitanteA obra desenvolverase a partir das 12 da mañá ata as 9 da noite. O artista  irá creando os espazos nos que interactuará co espectador ao longo do día. Haberá unha representación final ás 7 da tarde de todas as micropezas de teatro que se desenvolvan ao longo do día. O proxecto #habitante é un exercicio de creación plástica e escénica, ao mesmo tempo que unha actividade performática que leva consigo a composición, instalación, residencia, conversación co espectador/a e posta en escena de micro-pezas asociadas aos espazos escénicos.

 

 

 

 

Os mellores de… A Gran Guerra

Co gaio do centenario da Primeira Guerra Mundial (1914-1918), tamén coñecida como Gran Guerra, na sala de adultos da Biblioteca Municipal Ágora organizamos unha mostra bibliográfica sobre esta temática que abarca dende libros informativos ata novelas e material audiovisual.

Mostra bibliografica A Gran Guerra

Nunca antes unha guerra afectara a tanta xente en tantos lugares. Os avances da Revolución Industrial aplicados á guerra aumentaron o número de vítimas, que se contaron por millóns. Os enfrontamentos esténdese dende o Pacífico ata o Atlántico, de Rusia ao sur de África, pero será Europa o principal escenario dos combates. O vello continente derrubarase e precisará toda unha década para recuperarse. Perderá para sempre a súa posición hexemónica fronte a novas potencias.

E co fin da Gran Guerra non rematan os problemas de Europa. A crise económica prolongarase durante os primeiros anos 20. Xurden os totalitarismos comunista e fascista. E por outra banda, o novo mapa de Europa deseñado nos tratados de paz deixa moitas feridas abertas. Conflitos e resentimentos que se agudizarán coa Gran Depresión dos anos trinta e que están na orixe dunha nova e aínda mais sanguenta traxedia mundial.

A Gran Guerra

Dende as Bibliotecas Municipais da Coruña propoñémosvos acercarvos a este conflito que marcou toda a historia do século XX, a través dos estudos históricos, a novela, a banda deseñada ou o cine. Podedes consultar a guía de lectura a través da seguinte ligazón “Centenario da Primeira Guerra Mundial. Guía de lectura” ou ben premendo no cartel da mostra que compartimos a continuación.

E se botades en falta algunha obra na selección… animámosvos a que compartades con nós as vosas aportacións!!

Cartel os mellores da gran guerra

LIBROS #paracambiaromundo

 

01 copy

Que capacidade ten a literatura, a escrita, para modificar a realidade e transformar as nosas vidas? É a literatura un frente máis na loita polo cambio social? Debe a literatura comprometerse na mellora da sociedade, poñerse do lado d@s humildes, dar voz ás causas xustas que precisan ser divulgadas? Estas e outras cuestións similares, que forman parte dos clásicos debates que se dan arredor dos binomios cultura-sociedade e literatura-sociedade, teñen sido abordadas historicamente desde moi diversas posicións e dan pé á nova mostra que poñemos en marcha na Biblioteca Ágora, baixo o nome “Libros para cambiar o mundo”

Achegámonos nela a obras -novela, poesía, teatro, banda deseñada- que hoxe teñen capacidade de remover a conciencia dos lectores, que non rexeitan a intervención social ou que abren o campo da literatura política moito máis alá do que son as estreitas marxes da escrita “sobre política“.  Damos xa aquí cun dos primeiros debates. Porque literatura comprometida, que vén sendo? Se falar para sinalar unha inxustiza é comprometerse en favor da vítima, non facelo non é  unha maneira de comprometerse en favor -de forma máis ou menos consciente- do causante?  E mesmo, que contidos entran na literatura política e cales non? O mundo do traballo, a familia, as relacións humanas, as dominacións de clase, a relixión, a raza, as relacións afectivas, …? Quen delimita o que entra ou non na consideración de literatura comprometida?

montaje 1 post

Apostarmos por unha visión claramente integradora de todo o social no campo da literatura “política” é unha das nosas decisións. Escollemos obras que conmoven, emocionan, epatan, chaman á acción, fan reflexionar, etc sobre a nosa vida en sociedade, e que alcanzan todos os aspectos da mesma, do amor (non está condicionado tamén polos contextos sociais e  económicos nos que se dá e polos hábitos e costumes que conforman o “sentido común/polícia moral” do territorio-cultura no que se produce?) ao activismo político (sexa do signo que sexa). Non aceptamos, pois, visións reducionistas, nin a caricatura reaccionaria de quen, tendo na súa man a capacidade para prescribir as regras do marco de xogo, o fai nun sentido contrario ao que nos interesa. Literatura comprometida non debe ser sinónimo de posicións políticas de esquerdas, ou de realismo social, ou de contidos de carácter abertamente “partidario” ou mesmo panfletario.

“Este problema pendular no se ha debido creo yo, a la torpeza de los novelistas políticos, sino a cómo están distribuidas las posiciones. Cuando más débil es una posición, menos capacidad tiene para elegir el campo de batalla: el campo se lo impone el canon dominante” di ao respecto Belén Gopegui, autora española de quen, á marxe da súa creación de ficción, recomendamos a leitura do ensaio Un pistoletazo en medio de un concierto. Acerca de escribir de política en una novela. Sobre a literatura desta autora sinala Luis Martín-Cabrera que “la poética de su narrativa da cuenta de una lucha de clases que no termina todavía y recuerda que la cultura es más un campo de batalla que un jardín francés” e que as súas son novelas que buscan romper “no sólo el hielo del alma, sino también las vitrinas del lugar donde todo se vende, novelas del otro lado, de allí donde se admite que las reglas podrían ser distintas: novelas que no ocurran en la urna de cristal de los sentimientos protegidos, los valores aceptados, la sumisión sin resto de melancolía”.

Nesa perspectiva ampla do que consideramos “político” é que nos situamos para a escolla dos contidos da nosa mostra. Por suposto, a compoñente subxectiva de cada leitor ou leitora e a súa propia posición ideolóxica -á marxe de que esta sexa máis ou menos consciente/explícita- son elementos determinantes á hora de marcar o que forma parte ou non dun campo de significado tan difícil de delimitar. E nós non somos inmunes, nin queremos selo, a esta cuestión. Cada persoa, en función dos seus (pre)xuízos e experiencias, faría posiblemente unha selección diferente. A nosa é  simplemente unha das moitísimas posibles.

montaje 2

Mais vaiamos ao concreto. Que van atopar os nosos usuarios e usuarias na mostra? Thoreau, Tabucchi, Saramago, Ferrín, Steinbeck, Gopegui, Pepetela, Reimóndez, Woolf, Lema, Benedetti,  Vidal Bolaño, Albahari, Darwish, Camus, Brecht, Sampedro, Pavese, Boll, Riveiro Coello, Brieva, Belli, … A listaxe de autoras e autores é longa e a variedade de contidos tamén. Novela, poesía, ensaio, banda deseñada, obras para adultos e obras para público infantil, …

A mostra vai estar a disposición das e dos usuarios do 10 de xuño ao 20 de xullo. Ao tempo que vos convidamos a vir pola Biblioteca Ágora, animámosvos tamén a facer as vosas suxestións nas redes sociais, empregando para elo o hashtag #paracambiaromundo

Estas son algunhas das nosas propostas de leitura:

Eu violei o lobo feroz, Teresa Moure
En vías de extinción, María Reimóndez
As uvas da ira, John Steinbeck
Ensaio sobre a cegueira, José Saramago
Gotz e Meyer, David Albahari
Dias y noches de amor y de guerra, Eduardo Galeano
La sonrisa etrusca, José Luís Sampedro
El lado frío de la almohada, Belén Gopegui

Animádesvos a facer as vosas?

montaje cambiar o mundo

montaje cambiar o mundo2

Se as sociedades não se deixam transformar pela literatura, ainda que esta, numa ou noutra ocasiões, possa ter tido nas sociedades alguma superficial influência; se, pelo contrário, é a literatura a que se encontra permanentemente assediada por sociedades, como são estas de hoje, que não lhe exigem mais do que as fáceis variantes duma mesma anestesia do espírito que se chamam frivolidade e brutalidade – como poderemos nós, sem esquecer as lições do passado e as insuficiências de uma reflexão dicotómica que se limitaria a fazer-nos viajar entre a hipótese, nunca satisfatoriamente verificada, de uma literatura agente de transformações sociais, e a evidência de uma literatura, outra, esta, que parece não ser capaz de fazer mais do que recolher os destroços e enterrar as vítimas das batalhas sociais, como poderemos nós, insisto, ainda que provocando a troça das futilidades mundanas e o escárnio do senhores do mundo, voltar a um debate sobre literatura e compromisso, sem parecer que estamos falando de restos fósseis?

José Saramago

 

 

Mostra: O pasado é futuro, na Biblioteca Forum

A Historia permite aprender os feitos do pasado para así comprender o presente e albiscar o futuro. Existen varias razóns polas que coñecer a Historia é moi enriquecedor. Para entender a sociedade actual, é necesario saber a historia do teu propio país e a do teu continente. Ademais, o estudo e a paixon por esta disciplina achega ao historiador, un método de análise fundamental. Por iso, temos que coñecer a historia para poder comprender os acontecementos actuais e evitar no posible volver cometelos, pois como di o refrán “Quen non coñece a súa historia está condenado a repetir os seus erros”.

A Biblioteca Forum Metropolitano fai unha selección, de entre os seus fondos, da mellor novela histórica e as súas mellores obras de divulgación histórica.

Mostra bibliográfica: O pasado é futuro

Accede á Galería fotográfica da mostra O pasado é futuro no Flickr de Bibliotecas Municipais

Podes coñecer os fondos que integran a mostra no seguinte Wiki – Mostra Bibliográfica O pasado é futuro, e tamén a Guía de lectura da mostra O pasado é futuro:

Guía Bibliográfica da mostra

100 anos da Gran Guerra

Ademáis conmemoramos o comezo da Primeira Guerra Mundial cunha minimostra especial dentro da propia mostra “O pasado é futuro”. Este 2014 cúmprense cen anos do comezo da Primeira Guerra Mundial, tamén coñecida como “A Gran Guerra”. Foi este un conflito que tivo enormes consecuencias para a sociedade da súa época e que marcou un antes e un despois na Historia da humanidade. A bibliografía das Bibliotecas Municipais da Coruña, relacionada directamente con esta efeméride, podémola consultar no seguinte Wiki.

 

 

As nosas recomendacions especiais son:

 

1914: De la Paz a la guerra / Margaret MacMillan (Turner, 2013)

O relato definitivo das forzas políticas, culturais, militares e persoais que levaron a Europa cara á Gran Guerra.A Primeira Guerra Mundial puxo fin a un longo período de paz sostida en Europa: unha época na que se falaba confiadamente de prosperidade, de progreso e de esperanza.

 

 

 

Manfred von Richthofen : El Barón Rojo / J. Eduardo Caamaño (Almuzara, 2014)

Escrito cun estilo fluído e de amena lectura, este libro biográfico tamén detalla anécdotas da súa vida, curiosidades do conflito, e fai unha reconstrución dos seus soados combates, ademais dunha interesante análise acerca da polémica creada ao redor da súa morte.

 

 

De París a Monastir / Gaziel ( Libros del Asteroide, 2014)

Gaziel reuniu algo máis da metade das súas colaboracións bélicas no xornal “La Vanguardia” e publicounas en varios libros. De todos eles o máis impactante e logrado, seguramente, é De París a Monastir. Publicado por primeira vez en 1917, considerado como un libro fundamental do xornalismo español do século XX.

 

Nas Bibliotecas Municipais da Coruña podes encontrar estas obras, consulta a súa dispoñibilidade no Catálogo.

Intriga en la Biblioteca Forum

muestraDesde el 1 de octubre y hasta el 8 de diciembre, en la Biblioteca del Forum Metropolitano podrás disfrutar de una variada muestra bibliográfica de intriga. ¡Sumérgete en un mundo repleto de misterios, suspense, asesinatos, complots y enigmas por resolver!.

La novela negra tuvo su origen en los Estados Unidos durante las primeras décadas del siglo XX. Edgar Allan Poe, escritor norteamericano, es considerado el creador del género. Desde su origen, este género literario ha sido bien recibido por sus lectores, pero algunos críticos literarios infravaloran su temática, vinculando ésta a un tipo de narración folletinesca; la calificaban de literatura barata. A partir de la segunda Guerra Mundial, fue evolucionando hacia formas más complejas que describen y critican la sociedad en general, sus partes más oscuras, y los tipos de personas que prosperan en esos ambientes.

La novela negra se basa en la idea de la literatura como un hecho intelectual, de considerar la literatura como una operación de la mente, ya que la esencia original del género policial no radica en los misteriosos crímenes de sangre, sino en su fuerte contenido intelectual.

Jose Luis Borges

En el Wiki de la Biblioteca Forum podrás acceder a el contenido completo de las obras seleccionadas: encontrarás títulos de novela negra americana, española, francesa, inglesa, nórdica y de otros países. También podrás colaborar con nosotros, añadiendo otras obras del género que te hayan gustado o creas que deben estar en la selección.

Galería de imágenes de la muestra de intriga ¡¡¡Y tú sabrás que mi nombre es...!!!

Galería de imágenes de la muestra de intriga ¡¡¡Y tú sabrás que mi nombre es…!!!

Vicente-Nieves

Además podrás disfrutar de la conferencia de Vicente Garrido y Nieves Abarca el jueves 7 noviembre a las 19:30 h. en el Auditorio del Forum, “El psicópata en la ficción y en la  realidad”.

Tras el éxito de ‘Crimenes Exquisitos’, Garrido y Abarca nos muestran el resultado de su nueva colaboración: ‘Martyrium’, un thriller que nos muestra el crimen y la religión en lo que tienen en común: el horror que pueden inspirar algunas de sus imágenes más sugerentes, y nos demuestran que se puede creer en Satanás sin creer en Dios. ‘Martyrium’ nos devuelve a los principales personajes que cautivaron al lector en ‘Crímenes Exquisitos’, construyendo una intriga endiablada donde la curia, el mundo de la política y loshombres y mujeres sin escrúpulos convierten la investigación criminal en un laberinto apasionante.

Lecturas de verán para os pequechos

A lectura sen dúbida é a chave prodixiosa da información e da cultura

lecstura niñosNo caso dos máis pequenos a literatura infantil e xuvenil contribúe a formar o pensamento crítico e a capacidade reflexiva do pequeno lector, a construir a súa identidade e a do entorno que o rodea, axudando a forxar a linguaxe e desenvolver a sensibilidade artística.

A colaboración dos pais é necesaria para impulsar o proceso de aprendizaxe. Acompañar o desenvolvemento hacia a madurez con historias e personaxes que apoien a formación de valores e de formas de vida elexidas na idade adulta.

Tanto pequenos como adultos cando lemos e desprendémonos non nos facemos necesariamente máis sabios, pero sí máis listos: descubrimos o que aínda descoñecemos, confirmamos o que non sabemos.

A lectura e as recomendacións

A lectura é sin dúbida unha tarea de gran proveito público. Non requiere enormes desembolsos nin exixe fortísimas inversións. É máis, resulta unha labor de moito máis desprendemento que fomenta o feito de que aquelo que les acábalo repartíndolo a mans cheas. Cando tes un amigo sempre acabas contándolle ese libro que acabas de ler e o que che pareceu. O normal é que o destinatario non se conforme e acabe lendo o libro para comprobalo por el mesmo.

mostras infantil

Dende Bibliotecas Municipais ofrecemos para os máis pequeños recomendacións de lecturas para este verán.

Convidámosvos a visitar as nosas Bibliotecas Municipais para desfrutar dos contiños e poder levalos en préstamo. Consulta a súa dispoñibilidade no noso catálogo.