Arquivo do blog

Novo Club de Lectura en Mesoiro

Inauguramos ano e tamén un novo club de lectura no punto de préstamo de Mesoiro, un club de lectura para ler, facer amizades e falar de libros e … de moito máis.

Que é un club de lectura?
Un grupo de persoas que se reúnen periodicamente para comentar e valorar os libros, que a biblioteca lles proporciona, coa axuda dunha persoa coordinadora.
Non tes que ser un experto lector: os clubs están pensados para persoas con inquietudes culturais, ganas de ler, facer amigos e intercambiar opinións con outras persoas. En realidade, o libro é só o punto de partida.

 

As reunións serán os sábados alternos, ás 11 horas. Os libros prestámoschos nós, ti só tes que poñer as ganas de ler, de facer amizades e intercambiar opinións.

Empezamos o día 13 de xaneiro, e ti tan só tes que inscribirte dende a nosa web.

 

Advertisements

CONCURSO ‪#‎MeuLibro‬

– Que si, un lote completo!!!
– Nas biblios?
– Claro, o día 23 é o Día do Libro e dende ElClú pensamos que qué mellor xeito de celebralo que compartir as nosas lecturas participando no concurso que facemos.
– Que boa idea! E que dis que hai que facer?
– Fácil! Empregas o hashtag #meulibro e compártelo nas redes.
– E que teño que dicir?
– Pois o libro que esteas a ler, o que máis che gustou ou que recomendarías…
– Vale, e que dis que hai que poñer?
– #meulibro
– Ah! Pois voulle sacar unha foto e compartilo agora mesmo no Instagram das Biblios!

Xa vedes, na Biblioteca Infantil e Xuvenil de Durán Loriga, ElClú celebra o#‎DíadoLibro‬ cun concurso para conseguir un lote sorpresa de libros e materiais multimedia a través das redes das Bibliotecas Municipais (Facebook, Instagram, Twitter…) indicando cal é o #meulibro. Só tedes que subir o título ou portada do libro que queirades entre hoxe 21 ata o xoves 29 de abril. O venres 30 de abril farase o sorteo e publicarase o nome d# afortunad#

E se tedes dúbidas de cal escoller (sabemos que non é doado) na Biblioteca Infantil e xuvenil (Durán Loriga) temos unha mostra celebrando os aniversarios de Cervantes e Shakespeare que poden dar pistas!!!