Author Archives: dmaseda

Biblioteca(thlon)

Na marabillosa tarde de onte, soleada e calurosa, fun a unha coñecida tenda onde venden artigos, roupa e calzado deportivos. A curiosidade que vos quero contar xurde cando me dispoño a pagar, momento no que vexo uns carteis que me fan recordar os resultados da enquisa de valoración que distribuímos vía mail nos primeiros meses de 2013 entre usuarios das nosas bibliotecas.

Encontraches o que buscabas? Se non é así mándanos un mail a xxxx@xxx

Claramente, a superficie comercial busca e potencia a interacción cos clientes para obter o feedback que xenera a transmisión do coñecemento (ata o de agora nas mans dos clientes). Se a empresa non coñece as necesidades e opinións destes, dificilmente poderá mellorar e/ou cubrir as expectativas das persoas que se desprazan ata alí coa intención de adquirir algún artigo novo. E o que é peor, quizá non consiga nin que se despracen.

Como vos dixen, non puiden evitar levar isto ao meu terreo profesional e pensar que nas nosas bibliotecas ben poderiamos facer o mesmo: colocar uns carteliños similares, na saída dos recintos ou nos propios mostradores, para saber de primeira man se todo aquel que entra nas nosas instalacións atopa aquilo que está buscando.

E poderiamos tamén incluír un código QR desde o que enlazar o formulario de suxerencia de compra (dispoñible na nosa páxina web e nos mostradores en formato papel) para que calquera persoa desde o seu smartphone poida acceder e cubrilo no mesmo instante en que sae da biblioteca e mentres camiña cara o bus, o súper, o ximnasio…

O texto do cartel podería ser algo así:

Se queres que a biblioteca consiga algún libro, vídeo, disco ou calquera outro material que che interese e que non haxa en ningunha das 8 bibliotecas, cubre este formulario e intentaremos adquirilo para que poidas gozar del o antes posible.

Seguro que así recibiríamos máis suxerencias online que as 207 recibidas durante o ano 2012; e mataríamos ademais 2 paxaros dun só tiro ao darlle máis visibilidade a un servizo que resultou ser pouco coñecido entre os usuarios que cubriron a enquisa que vos mencionei.

a coruña a cidade que leE vós, coñecíades este servizo? Ou é a primeira vez que oídes falar del? Quizá en breve poidamos cambiar o lema e dicir:

A Coruña, a cidade que le e suxire lecturas

Advertisements

Feira do libro e Viñetas desde o Atlántico

IMG-20130801-WA0004

Gema e Iván na apertura do stand

Hoxe arranca a Feira do Libro e da Banda deseñada na Coruña e alcanza xa a súa 42 edición. Este ano coincide co XVI Salón do cómic: Viñetas desde o Atlántico.

Os nosos bibliotecarios expertos en cómics (dous deles na foto) están xa no stand para suministrar toda a información acerca da feira e das bibliotecas, nas que, como todos sabedes, temos un amplísimo fondo de cómics para todos os gustos.

As mellores librarías da cidade (que por sorte para nós son moitas) tráennos as últimas novidades publicadas ao tempo que nos dan a posibilidade de coñecer de primeira man os seus autores e autoras.

Se te pasas polos Xardíns Méndez Núñez entre o 1 e o 11 de agosto poderás obter un 10% de desconto en todos os libros que están á venda. O horario de apertura é de 11 a 14 horas polas mañás e de 18 a 22 horas polas tardes.

O compromiso das Bibliotecas Municipais da Coruña co cómic é moi serio e profundo e, por iso, organizamos unha chea de actividades e diversas seleccións de cómics para complementar todo isto dentro das nosas bibliotecas.

Ademais, a Biblioteca Municipal de Estudos Locais, especializada en todo o referente á Coruña, alberga e dixitalizan documentos que poden resultar, cando menos, interesantes e curiosos, coma a colección de carteis da Feira do Libro da Coruña de todos os anos. Que vos parece o contraste destes dous carteis?

1373966081148_640_480_A_e9baa7e19e98bc9e9247ca5be4cdd

Cartel da Feiro do Libro coruñesa do 2013

aaaaaa

Cartel da 2ª Feira do Libro antigo e de ocasión na Coruña, dixitalizado e disponible no catálogo das Bibliotecas Municipais

Nano, de Concha Blanco

Concha Blanco é mestra, pedagoga e escritora. Nacida en Cee conta cunha longa traxectoria no mundo da escritura.

Non hai moito tempo que, por casualidade, caíu nas miñas mans unha das súas obras, Nano, escrita no 2008 e editada por Everest.

Nano conta a historia de Fernando, un rapaz coruñés e arquitecto que vive atormentado. Sabe que é gai pero non o asume.

Contraportada NanoFoi unha lectura especial porque ademais de presentarnos a Nano, un rapaz que cae ben, toda a acción transcurre en escenarios moi coñecidos por nós coma a rúa Barcelona ou o Paseo Marítimo coruñés. Por riba, constitúe a primeira obra que leo desta temática no idioma galego.

Tamén é especial porque todos tivemos en algún momento das nosas vidas ou temos na actualidade un Nano ben cerquiña. Unha persoa á que apreciamos e que non se atreve a asumir a súa identidade sexual

Segundo me contaron, tardei moito en saír da barriga de miña nai, retraso que a piques estivo de facerme coincidir nacer con morrer. Don Xoán, o médico que axudou no parto, deume un par de azoutas. Así que dende aquela aprendín a ser puntual nas miñas citas, co traballo, cos amigos, coas amigas

Estas palabras da autora, referidas ao seu nacemento, fanme reflexionar sobre o feito LGTB. Cadaquén ha de saber que quere facer na súa vida, que prefire aportar aos demais e que rastro pensa deixar tras de si. E digo isto referíndome tanto ao que sae do armario coma ao que observa a saída.

Nas Bibliotecas Municipais da Coruña temos moi claro cal queremos que sexa a nosa aportación. Por un lado dar visibilidade ao feito LGTB a través dunha wiki na que recollemos títulos da literatura e do cine que tratan esta temática e, por outro, celebrar cada ano o ORGULLO LGTB con mesas redondas, encontros ou proxeccións de filmes que aporten información sobre o feito homosexual, bisexual e transexual a todas as persoas que se acheguen ás nosas bibliotecas.

Se alguén aínda non o sabe… #asMunicipaisEntenden

Porque #asMunicipaisEntenden

… e cada vez entendemos máis!

A nosa wiki LGTB está de aniversario. Co propósito concreto de servir de escaparate virtual desde o que mostrar todos os materiais que poñemos á vosa disposición en torno á temática LGTB (lesbianas, gais, transexuais e bisexuais), naciu nestas datas coincidindo co aniversario dos disturbios de Stonewall.

Estes disturbios, que son citados coma a primeira ocasión na que a comunidade LGTB loitou contra un sistema que perseguía ás persoas homosexuais, son xeneralmente recoñecidos coma o catalizador do movemento moderno prodereitos LGTB en todo o mundo.

Nesta wiki poderás atopar enlaces a recursos web de todo tipo, aos post que fomos publicando durante o Orgullo 2012 e a unha selección de tráilers e videoclips de música e cine.

#asMunicipaisEntenden

+ info das actividades 2013

A implicación do persoal das Municipais con este tema é moi destacable:

#asMunicipaisEntenden porque todos somos igual de diferentes